Уганда улсад амьдран суудаг тариачин Муса Хасахья 12 эхнэр, 102 хүүхэд, 568 ач зээтэй ажээ. Харин саяхан 67 настай Муса дахин хүүхэдтэй болохгүй гэж шийдсэн байна. Түүний зүгээс 12 эхнэртээ бүгдэд нь жирэмслэлтээс хамгаалах эм авч өгсөн юм. Мусагийн ийн шийдэх болсон нь амьжиргааны өртөг нэмэгдсэнтэй холбоотой гэнэ.
Үйл явдлын хүрээнд Мусагийн хэлснээр, “Амьжиргааны өртөг нэмэгдэж, гэр бүл маань өнөр өтгөн болох тусам миний орлого жилээс жилд л хангалтгүй болж байна.
Би нэг эмэгтэйтэй гэрлэсэн хойноо дахиад өөр эмэгтэйтэй гэрлэсэн. Эр хүний хувьд ганц эмэгтэй яаж хангалттай байх вэ дээ? Миний эхнэрүүд бүгд цугтаа нэг байшинд амьдардаг. Ингэснээр надад тэднийг ажиглахад амар байдаг бөгөөд үүний дүнд тэд тосгоны өөр эрчүүдтэй уулзаад явчихдаггүй юм.
Гэхдээ миний нөөц шавхагдаж байгаа учраас би дахиж хүүхэд төрүүлж чадахгүй нь. Улмаар би хүүхэд төрүүлэх насны эхнэрүүддээ гэр бүл төлөвлөлтөд хамрагдахыг зөвлөсөн. Мөн над шиг олон эхнэртэй болохыг хүсэж байгаа эрчүүдэд энэ нь дэмий санаа болохыг хэлж байгаа” гэжээ.
Эх сурвалж: UNILAD