Энэ сарын эхээр барууны орнууд ОХУ-ын газрын тосны үнэд хязгаар тогтоосон билээ.

Тэгвэл энэхүү арга хэмжээний хариуд ОХУ үнийн хязгаарлалтыг мөрдөж буй улс орон, байгууллагуудад газрын тос худалдахаа болих болсон байна. Улмаар хориг дан ганц газрын тосонд хамаараад зогсохгүй газрын тосны бүтээгдэхүүнүүдэд ч хамаарах ажээ.

Оросын ерөнхийлөгч Владимир Путины баталсан тогтоолын дагуу хориг ирэх оны хоёрдугаар сарын нэгний өдрөөс долоодугаар сарын нэгний өдрийг хүртэл хүчинтэй үйлчлэх юм.

Мөн тогтоолд тусгаснаар ерөнхийлөгч Владимир Путин хоригийн хүчинтэй хугацаанд хоригт багтсан орнуудад газрын тос нийлүүлэх болбоос тусгай зөвшөөрлийг олгоно гэсэн байна.

Эх сурвалж: BBC