Өнгөрөгч долоо хоногийн мягмар гарагт Украины Гадаад хэргийн сайд Дмитрий Кулеба ОХУ-ыг НҮБ-ын Аюулгүйн Зөвлөлөөс хасуулахаар арга хэмжээ авах төлөвлөгөөтэй байгаагаа илэрхийлсэн билээ. Гэхдээ түүний зүгээс энэ нь тийм ч амархан байхгүй гэдгийг хүлээн зөвшөөрсөн юм.

Тэгвэл түүний мэдэгдлийн хариуд ОХУ-ын Гадаад хэргийн яамны хэвлэлийн төлөөлөгч Мария Захарова “ноход хуцаж л байдаг” хэмээжээ.

Мария Захаровагийн хэлснээр, “Энэ бол жингийн цуваа явж л байдаг, замын ноход хуцаж л байдаг гэдгийг тод жишээ” гэсэн байна.

Үйл явдлын хүрээнд ОХУ-ын Гадаад хэргийн сайд Сергей Лавровын мэдэгдсэнээр НҮБ-ын Аюулгүйн Зөвлөлөөс ОХУ-ыг хасуулах нь боломжгүй зүйл гэсэн юм.

Эх сурвалж: ТАСС