АНУ-ын цахилгаан автомашин үйлдвэрлэгч Тесла компани Хятад дахь борлуулалтаа нэмэгдүүлэх зорилгоор шинэ оныг угтсан хямдрал зарлаж буй талаар Bloomberg агентлаг мэдээллээ.
Тодруулбал ирэх 2-р сарын 28-ны өдрийг хүртэл “Model 3" загварын суудлын автомашин болон шинэ загварын "Model Y" aвтомашин худалдаж авсан хэрэглэгчдэдээ 10,000 юанийн хямдрал эдлэх боломжийг олгож буйгаа тус компанийн Хятад дахь салбар өөрийн цахим хуудсаараа дамжуулан мэдэгдэв.
Хятадад эрэлт буурсан гэх шалтгааны улмаас өнгөрсөн оны зөвхөн 12-р сард л гэхэд Теслагийн хувьцааны үнэ 37 хувиар унасан нь ганцхан сарын дотор хамгийн их хувиар буурсан явдал болсон билээ.
Эх сурвалж: MBC