Хятад улс "АНУ-ыг сарнаас “хөөж”магадгүй" хэмээн НАСА-гийн зүгээс анхааруулжээ.

Тодруулбад АНУ-ын Сансрын судлалын төв буюу НАСА-гийн тэргүүн Билл Нелсон хэвлэлд өгсөн ярилцлагадаа “АНУ-тай сансар судлалын салбарт ширүүхэн өрсөлдөөн өрнүүлж буй Хятад улс сар судлалын салбарт тодорхой ахиц дэвшил гаргасныхаа дараа хамгийн их нөөц баялагтай хэсгийг эзлэх гэж оролдох магадлал өндөр байна" хэмээн цохон тэмдэглэсэн байна.

Тэрбээр үргэлжлүүлэн "Дараагийн хоёр жилийн дотор АНУ, БНХАУ-ын хоорондох сар судлалын “уралдаан”-ы ялагч хэн болох нь шийдэгдэх болно” хэмээн нэмж дурджээ.

Хятад улс сарны хайгуулын "Chang’e" төслийнхөө хүрээнд сарны өмнөд туйлыг судлах зорилгоор ирэх онд “Chang’e 6” болон “Chang’e 7” хөлгийг хөөргөхөөр төлөвлөөд байгаа аж. Цаашлаад 2027 он гэхэд “Chang’e 8” хөлгийг хөөргөн сарны өмнөд туйлд бааз барих туршилтыг хийх төлөвлөгөөг мөн гаргаад байгаа юм.

Үүнтэй холбогдуулан АНУ-ын тал “Америкийн сансрын нисгэгчдийг сар руу буцаан илгээх” зорилтоо 2028 онд хэрэгжүүлэхээр төлөвлөж байсан хэдий ч ирэх жил болгон 4 жилээр наашлуулах шийдвэр гаргах зэргээр сар болон Ангараг гарагийн судалгаанд суурилсан Хятадын сансар судлалын төслүүдэд ихээхэн анхаарал хандуулан, нухацтай ажиглалт хийхээр төлөвлөж буй бололтой.

Эх сурвалж: YTN