Энэ сарын 19-ий өдөр хөл бөмбөгийн амьд домог болсон Криштиану Роналду болон Лионель Месси нар зүлэг ногоон талбай дээр дахин тулж магадгүй болжээ.
Тодруулбал, Лионель Мессигийн харьяалагддаг Парис Сент-Жермен, Криштиану Роналдугийн харьяалагддаг Аль Насср клубүүд эл өдөр нөхөрсөг тоглолт хийх гэнэ. Улмаар энэхүү тоглолт нь Криштиану Роналду Аль Насср клубт элссэнээс хойших анхны тоглолт болох ажээ.
Португалийн алдарт хөл бөмбөгч Криштиану Роналдугийн хувьд он гарахтай зэрэгцэн Европ дахь хөл бөмбөгийн замналаа дуусгавар болгож, Саудын Арабын Аль Насср клубтэй хоёр жил хагасын гэрээ байгуулсан юм.
Нөхөрсөг тоглолтын хувьд 2022 оны нэгдүгээр сард зохион байгуулагдах төлөвлөгөөтэй байсан ч коронавирустэй холбоотой шалтгаанаар энэ оныг хүртэл хойшлоод байжээ.
Эх сурвалж: Talk Sport