Уэльс улсын хөл бөмбөгийн шигшээ багийн ахлагч Гарет Бэйл 33 насандаа зодог тайлж буйгаа зарлалаа. Энэ талаар тэрээр өөрийн цахим хуудсаар дамжуулан мэдэгдсэн байна.
Уэльсийн хөл бөмбөгийн од Гарет Бэйлийн хувьд улсынхаа хэмжээнд хамгийн олон цом хүртсэн, хамгийн олон гоол оруулсан тамирчнаар нэрлэгддэг юм.
Түүний мэдэгдсэнээр, “Анхааралтай, нухацтай бодож үзсэний эцэст би клубээсээ болон олон улсын хөл бөмбөгөөс зодог тайлахаар шийдлээ. Миний хувьд хайртай спортоороо хичээллэх мөрөөдлөө биелүүлсэнд өөрийгөө туйлын азтайд тооцож байна. Хөл бөмбөг миний амьдралын хамгийн гайхалтай мөчүүдийг надад бэлэглэсэн” гэжээ.
Гарет Бэйлийн хувьд 1958 оноос хойш ДАШТ-ий шилдэг 32 багт тэнцэх эрх авч чадаагүй Уэльсийн шигшээ багийг 2022 оны ДАШТ-д хөтөлсөн гавьяатай нэгэн юм. Тийнхүү Гарет Бэйл олон улсын хөл бөмбөгийн замналаа шигшээ багийнхаа нэрийн өмнөөс талбайд нийт 111 удаа гарч, 41 гоол оруулсан амжилттайгаар өндөрлүүлжээ.
Эх сурвалж: BBC