Франц улсын засгийн газар тэтгэврийн тогтолцоондоо шинэчлэл хийж, 2030 оноос тэтгэвэрт гарах насыг 64 болгох санал гаргажээ. Одоогийн тогтолцооны хүрээнд Франц улсад тэтгэвэрт гарах нас 62 байгаа юм.
Ерөнхий сайд Элизабет Борнегийн хэлснээр энэ саналыг баталбаас хэтийн ирээдүйд тус улсын тэтгэврийн тогтолцоонд их хэмжээний алдагдал гарахаас урьдчилан сэргийлэх гэнэ.
Францын одоогийн ерөнхийлөгч Эммануэль Макроны хувьд 2017 оны сонгуульд ялалт байгуулахдаа тэтгэврийн тогтолцоондоо шинэчлэл хийнэ хэмээн амлаж байсан юм. Гэсэн хэдий ч энэхүү санал үйлдвэрчний эвлэлүүдийн хилэнг төрүүлж, тэдний зүгээс ирэх 19-ий өдөр ажил хаяхаар төлөвлөсөн байна.
Эх сурвалж: BBC