Лхагва гарагт НҮБ-ын Дүрвэгсдийн асуудал эрхэлсэн дээд комиссарын газраас мэдээлснээр өнгөрөгч хоёрдугаар сарын 24-ий өдөр ОХУ Украиныг эзлэн түрэмгийлэх цэргийн тусгай ажиллагаагаа зохион байгуулж эхэлснээс хойш нийт 7,967,409 украин Европ тив рүү дүрвэжээ.

Тоон мэдээллээс үзвэл өнгөрөгч долоо хоногийн хугацаанд л гэхэд тус тоо 52,122-оор нэмэгдсэн байна.

Дүрвэгчдийн дийлэнх буюу 2,852,395 хүн ОХУ руу гарсан бол 1,563,386 хүн Польш, 1,021,667 хүн ХБНГУ, 478,614 хүн Чех, 167,925 хүн Итали, 161,012 хүн Испани, 154,600 хүн Их Британи улсыг тус тус зорьжээ. Харин үлдсэн хүмүүсийн хувьд Болгар, Франц, Румын, Словак, Молдова улсыг зорьсон байна.

НҮБ-аас мэдээлснээр дүрвэгсдийн талаас илүү хувь дүрвэж очсон улсынхаа түр хамгаалах болон дэмжих хөтөлбөрт багтсан гэнэ.

Эх сурвалж: ТАСС