“Говь Финанс ББСБ” ХХК нь 2012 оноос хойш санхүүгийн салбарт тогтвортой үйл ажиллагаа явуулсан, дөрвөн жилийн өмнө технологи, санхүүгийн үйлчилгээг хамтатган финтек бизнес моделийг CashOne аппликейшнээр дамжуулан зах зээлд амжилттай нэвтрүүлж харилцагчдадаа хэрэглээний зээлийн үйлчилгээг хялбар, хурдан, цахимаар авах боломжийг бий болгосон.

“Говь Финанс ББСБ” ХХК нь “Бүрэн Скор ЗМС” ХХК-тай “Хамтын ажиллагааны гэрээ”-нд гарын үсэг зурснаар биднийг дэмжин ажилладаг харилцагчдад зээлийн мэдээллийн үйлчилгээг түргэн шуурхай, найдвартай үзүүлэх зорилготой юм.

CashOne аппликейшн нь финтек бизнес моделийг дотоодын зах зээлд амжилттайгаар нэвтрүүлсэн 6 дахь аппликейшн ба харилцагч өөрийн хүсэл зорилгод нийцүүлэн цахим зээлийн үйлчилгээг авах мөн цаашид санхүүгийн бүх үйлчилгээг нэг дороос авах “SUPER APP” болгон хөгжүүлэхээр ажиллаж байна.