Өнгөрөгч долоо хоногийн ням гарагт Бразил улсын нийслэл Бразилиа хотод ерөнхийлөгч асан Жэйр Болсонарог дэмжигчид их үймээн самуун дэгдээж, төрийн байгууламжууд руу дайрч орсон хэрэг гарсан билээ. Тэгвэл хэрэгт холбогдуулан Бразил улсын Холбооны цагдаагийн албанаас нийт 1,200 гаруй хүнийг баривчилсан байна.

Баривчлагдсан 1,200 хүний хувьд бүгд хэрэгт буруутгагдаж байгаа бөгөөд албаныхан тэдэнд зохих ялыг онооход 5 өдөр зарцуулахаар шийдвэрлэсэн байна.

Гэвч албаныхны санаа зовниж байгаагаар Жэйр Болсонарогийн дэмжигчид дахиад ч үймээн дэгдээж магадгүй гэнэ. Учир нь Бразилын прокурорын газраас олж мэдсэнээр Жэйр Болсонарогийн дэмжигчид улсынхаа өнцөг булан бүрд олон хүнийг хамруулсан жагсаал зохион байгуулахыг уриалж байсан ажээ.

Эх сурвалж: BBC