Мексик улсын засгийн газар тамхины эсрэг хатуу хууль баталжээ.
Уг хуулийн төслийн гол цөм нь Мексик даяар олон нийтийн газарт тамхи татахыг бүрэн хориглох явдал юм.
Улмаар уг хуулийн хүрээнд дам тамхидалтаас урьдчилан сэргийлэхийн тулд ажлын байран дээр болон насанд хүрээгүй хүмүүс байгаа газарт тамхи татахыг хориглох шийдвэр гаргасан байна. Мөн тамхи, тамхитай холбоотой бүхий л бүтээгдэхүүнийг сурталчлах, ивээн тэтгэхийг бүрэн хоригложээ.
Зарим орон нутгийн засаг захиргааны зүгээс олон нийтийн газар тамхи татсан тохиолдолд мөнгөн торгууль ногдуулах захирамж ч гаргаж байгаа аж.
Тухайлбал Мехико хотын тухайд тамхи татахыг хориглосон газар тамхи татаж байгаад баригдсан тохиолдолд 3000 хүртэл песогийн (монгол мөнгөөр 550 орчим мянган төгрөг) торгууль төлөхөөр болж буй бөгөөд энэ нь хөдөлмөрийн хөлсний доод хэмжээний бараг тал хувьтай тэнцэх юм.
Эх сурвалж: SBS