АНУ-ын мисс Р’Бонни Габриэль 71 дэх удаагийн Ертөнцийн мисс шалгаруулах тэмцээний ялагчаар тодорчээ. Ертөнцийн миссийн титмийг тэрээр 2021 оны Ертөнцийн мисс Харнааз Каур Сандхугаас хүлээн авсан байна.

Ертөнцийн миссийг шалгаруулах үйл ажиллагаа өнгөрөгч ням гарагт АНУ-ын Нью Орлеан хотноо зохион байгуулагдсан бөгөөд тэмцээнд нийт 84 орны мисс оролцсон юм.

Шүүгчдийн зүгээс ялагчийг тодруулахдаа оролцогчдын ярилцлагын хариулт, үзэл бодол хийгээд үндэсний хувцас, усны хувцас, гоёлын даашинзтай үзүүлбэрүүдийн оноог нэгтгэн дүгнэсэн байна.

Тийнхүү ялагч болох АНУ-ын мисстэй цуг финалын шатанд Венесуэл болон Бүгд Найрамдах Доминик улсын миссүүд шалгарсан байжээ.

Ертөнцийн мисс тэмцээний веб хуудаснаас үзвэл Р’Бонни Габриэль нь байгальд ээлтэй хувцас хэрэглэлийн загвар зохион бүтээгч бөгөөд үүний зэрэгцээ модель, оёдлын багш хийдэг нэгэн юм.

Эх сурвалж: BBC