Тэрбумтан Илон Маскийн худалдан авсан Твиттер компани Сан Франциско хот дахь төв байрныхаа зарим тавилгыг цахим дуудлага худалдаанд оруулах болжээ.
Дуудлага худалдаанд оруулж буй тавилгууд дунд тус компанийн логог дуурайлган урласан цэнхэр шувууны хөшөө ч багтсан байна.
Одоогийн байдлаар шувууны хөшөө 11,000 ам.долларын үнэ хүрч байгаа бол тус байгууллагын интерьерийн чимэг болсон @ тэмдэг бүхий таримал ургамал 4,300 ам.долларын үнэ хүрээд байгаа юм. Түүнчлэн тэд кофены ширээнээс өгсүүлээд жижиг шүүгээ, хэвлэлийн төхөөрөмж зэргийг ч зарж байгаа ажээ. Улмаар дуудлага худалдаа дуусахад өдгөө 9 орчим цагийн хугацаа л үлдсэн байна.
Эх сурвалж: BBC