Лхагва гарагийн өглөө Украин улсын Бровари хотын захад нисдэг тэрэг осолджээ. Нисдэг тэрэгт тус улсын Онцгой байдлын алба зорчиж явсан юм. Ослын улмаас нийт 18 хүн амиа алдсан байна.
Үйл явдлын хүрээнд Укрианы Үнэн сониноос мэдээлснээр амиа алдсан хүмүүс дунд тус улсын Дотоод хэргийн сайд Денис Монастрыский, Дотоод хэргийн тэргүүн дэд сайд Евгений Енин, Дотоод хэргийн төрийн нарийн бичгийн дарга Юрий Лубкович нар байсан юм. Мөн төрийн өндөр албан тушаалтнуудаас гадна 3 хүүхэд амиа алдсан байна.
Харин амиа алдсан хүмүүсээс гадна ослын улмаас эмнэлэгт хүргэгдсэн хүмүүсийн тоо 22 байгаа ажээ. Тийнхүү одоо хэргийн газарт ослын шалтгааныг тодруулахаар мөрдөн шалгах ажиллагаа явуулж байгаа юм.
Эх сурвалж: Украинская Правда