Баасан гарагт Өмнөд Солонгосын нийслэл Сөүл хот дахь нэгэн айлын хашаанд гал гарч, олон зуун хүнийг нүүлгэн шилжүүлэх болжээ.
Албаныхны мэдээлж байгаагаар галын улмаас ойролцоогоор 60 айлын сууц сүйдсэн гэнэ. Аз болоход ослоос үүдэн амь эрсэдсэн нэг ч тохиолдол бүртгэгдээгүй байгаа юм.
Солонгосын хэвлэлүүдийн тодорхойлж байгаагаар шигүү байршсан тус хороолол нь Сөүл хотод үлдсэн сүүлчийн ядуусын хороолол ажээ.
Галыг унтраахад нийт 900 гал сөнөөгч, хэд хэдэн нисдэг тэрэг оролцсон бөгөөд гал унтраах ажиллагаа 5 гаруй цаг үргэлжилсэн байна.
Одоогийн байдлаар галын шалтгаан тодорхойгүй байгаа юм.
Эх сурвалж: BBC