Украинд танк зэрэг цэргийн техник хэрэгсэл нийлүүлэх шаардлагатай байгааг Европын холбооны удирдагчид онцолжээ.
Орон нутгийн цагаар 20-ны өдөр Европын холбооны гадаад харилцаа, аюулгүй байдлын дээд төлөөлөгч Жозеф Боррелл сэтгүүлчдэд хэлэхдээ, "Украины зүгээс барууны орнуудад хандан хүсч буй байлдааны зэвсэг, хүнд оврын танк зэргийг бид дэмжлэг болгон өгөх зайлшгүй шаардлагатай. Европын зарим орнууд дэмжлэг үзүүлэхээр бэлтгэл ажлаа хэдийн хангаад эхэлсэн” болохыг дурдсан байна.
Цаашлаад мөн өдөр Германы Рамштайн дахь АНУ-ын Агаарын баазад зохион байгуулагдах гэж буй “Украины Батлан хамгаалахын холбоо тогтоох бүлэг”-ийн (UDCG) хурлаар уг агуулгыг тусгасан шийдвэр гарна гэдэгт найдаж байгаагаа тэрээр цохон тэмдэглэв.
Өмнөх өдөр нь Европын холбооны зөвлөлийн дарга Чарльз Мишель мөн парламентад үг хэлэх үеэрээ "Украинд илүү их дэмжлэг хэрэгтэй байна. Тэр дундаа алсын тусгалын пуужин, сум танк зэрэг зэвсэг техник нэн ьэргүүнд шаардлагатай байгаа” болохыг мэдэгдсэн билээ.
Эх сурвалж: Asiae