АНУ-Израиль улсууд түүхэнд тэмдэглэгдэн үлдэхүйц өргөн хүрээтэй цэргийн хамтарсан сургуулилалтыг эхлүүлжээ
1 сарын 24. 23:530

Ираны цөмийн хөтөлбөрийн асуудлаарх хурцадмал байдал үүсэж байгаа энэ үед АНУ болон Израиль улсууд орон нутгийн цагаар 24-ний өдөр Газар дундын тэнгист түүхэнд байгаагүй өргөн цар хүрээг хамарсан цэргийн хамтарсан сургуулилалт хийж эхэлжээ.

Энэхүү хамтарсан цэргийн сургуулилалтыг “Juniper Oak 23.2” хэмээн нэрийдэж буй талаар гадаадын томоохон хэвлэлүүд мэдээлсэн байна. Израиль болон Газар дундын тэнгисийн зүүн хэсэгт болж буй уг сургуулилалтад хоёр улсын зэвсэгт хүчин, тэнгисийн болон агаарын хүчин оролцож байгаа ба 140 гаруй нисэх онгоц, 12 байлдааны хөлөг онгоц дайчлагдаж байгаа аж.

Үүнд F-35, F-15, F-16 зэрэг сөнөөгч онгоцууд, мөн В-52 стратегийн бөмбөгдөгч онгоц, агаарт түлш цэнэглэх танк, AH-64 Apache нисдэг тэрэг багтжээ.

Энэхүү сургуулилалтад Нийт 7500 цэрэг оролцож буйгаас 6400 нь АНУ-ын цэрэг бол 1100 нь Израилийн цэрэг бөгөөд АНУ болон түүний холбоотнууд дунд болж буй хамгийн өргөн хүрээтэй хамтарсан сургуулилалтын нэг болж буйгаараа онцлог юм.

Ойрхи Дорнод болон Хойд Африкт хяналт тавьдаг АНУ-ын Төв командлалын командлагч генерал Майкл Курилла “Энэ бол Төв командлал болон манай холбоотнууд хооронд уламжлал болон болдог байнгын сургуулилалтын нэг хэсэг. Уг сургуулилалт нь хамтын ажиллагаа, цэргийн чадавхийг хөгжүүлэх, бүс нутгийн аюулгүй байдал, тогтвортой байдлыг хадгалахад чухал ач холбогдолтой юм” хэмээн цохон тэмдэглэсэн байна.

Эх сурвалж: Asiae

Энэ мэдээнд өгөх таны сэтгэгдэл?
0
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ
Луиз Густаво: Криштиану Роналду байснаараа тоглолтуудыг илүү хүндрүүлж байгаа
02023-2-6 20:21
Олаф Шольц: Путин хэзээ ч намайг заналхийлж байгаагүй
02023-2-6 17:20
Европын Холбооноос Оросын дизель түлш болон газрын тосны бүтээгдэхүүнүүдэд хориг тавилаа
02023-2-6 16:03
АНУ-ын Пенсильвани мужид 9 настай хүү ахлах сургууль төгсжээ
02023-2-6 15:06
Америк хөл бөмбөгийн тамирчин Том Бради зодог тайлсан талбайн элсээ 99,000 ам.доллароор зарна
02023-2-6 12:08
Турк улсад 7.8 магнитудын хүчтэй газар хөдлөлт болжээ
02023-2-6 11:24
Цагтаа хамгийн олон дагагчтай YouTuber-т тооцогдож байсан Феликс аав болох гэж буйгаа мэдэгджээ
02023-2-6 10:13
Украин: Барууны орнуудын нийлүүлсэн зэвсэг техникийг Оросын эх газар руу довтлоход ашиглахгүй
02023-2-6 10:07
16 жил хадгалагдсан цоо шинэ “iPhone 1” утас дуудлага худалдаагаар борлуулагдахаар болжээ
02023-2-6 9:40
Саудын Араб: ОХУ-ын эсрэг авч буй хориг арга хэмжээ нь олон улсын түвшинд эрчим хүчний хомсдол үүсгэх аюултай
02023-2-6 2:02