Италийн эрчим хүчний Eni компани байгалийн хийн олборлолтын хүрээнд Ливийн Үндэсний Газрын тосны Корпорацтай 8 тэрбум ам.долларын гэрээ байгуулжээ.

Гэрээг тэд өнгөрөгч бямба гарагт байгуулсан бөгөөд гэрээг тэд Ливийн нийслэл Триполид үзэглэсэн байна.

Үйл явдлын хүрээнд Италийн ерөнхий сайд Жиоржиа Мелони Ливи улсад айлчилжээ.

Тийнхүү гэрээ 2026 оноос хэрэгжиж эхлэх бөгөөд Ливиэс Итали руу өдөрт 21 сая шоо метр байгалийн хий нийлүүлэх гэнэ.

Харин ерөнхий сайдын айлчлалын хүрээнд тэд байгалийн хийн олборлолт, нийлүүлэлтийн гэрээг байгуулаад зогсохгүй Газар дундын тэнгисийн бүс нутгаас Европ тивийг чиглэх цагаачлалын асуудлаар санал бодлоо солилцжээ.

Эх сурвалж: Al Jazeera