Викториа’с Секретийн загвар өмсөгч асан Бехати Принслоо амаржиж, гурав дахь хүүхдээ өлгийдөн авчээ. Улмаар Адам Левинийн гэр бүл ам бүл тавуулаа болсон байна.

Хосуудын хувьд саяхан мэндэлсэн шинэ гишүүнээс гадна Дасти Рөүз, Жио Грэйс гэх хоёр охинтой юм. Тэдний том охин Дасти өдгөө 6 настай бол дүү Жио нь 4 настай билээ.

Дуучин Адам Левин, загвар өмсөгч Бехати Принслоо нар нь 2014 онд гэр бүл болсон бөгөөд хамтран амьдраад 8 гаруй жилийн нүүрийг үзэж байгаа юм. Тэдний харилцаа өнгөрөгч оны есдүгээр сард ихээхэн ээдрээтэй болсон ч хосууд хамтдаа даван гарахаар шийдсэн байна.

Тодруулбал, өнгөрөгч онд дуучин Адам Левинийг эхнэрээ хуурсан гэх яриа ихээхэн газар авсан бөгөөд Самнер Стро гэх Инстаграм модель ч Адам Левинтэй жилийн хугацаанд харилцаатай байсан гэж мэдэгдэх болсон юм. Харин үйл явдлын хүрээнд дуучин Левин бүх л хариуцлагыг хүлээхээ мэдэгдэж, тулгарсан асуудлыг даван туулах болно хэмээж байжээ.

Эх сурвалж: ENews