АНУ-ын Массачусетс мужаас сонгогдсон Ардчилсан намын гишүүд нэгэн шинэ хуулийн төслийг санаачилжээ. Хуулийн төсөл батлагдвал хоригдлууд дотор эрхтэн, ясны чөмгөө донорлох замаар ялаа хөнгөлүүлэх боломжтой болох гэнэ.
Тус төслийг мужийн төлөөлөгч Карлос Гонзалес, Жудит Гарсиа нар ахалж байгаа бөгөөд төслийг баталсан тохиолдолд Массачусетс мужид “Ясны чөмөг, дотор эрхтний донорын хөтөлбөр” хэрэгжих ажээ.
Хөтөлбөрийн хүрээнд хоригдлууд эрхтнээ донорлосон тохиолдолд эдлэх ялаа 60 хоногоос нэг жилийн хугацаагаар хөнгөлүүлэх юм.
Харин хуулийн төслийг эсэргүүцэгч нарын зүгээс хэлж байгаагаар, “Энэ төсөл бол ердөө хоригдлуудад дотор эрхтэн, ясны чөмөг, эрх чөлөө гурвынхаа аль илүү чухлыг нь сонго гэж тулгаж байгаагаас өөрцгүй зүйл” гэжээ.
Эх сурвалж: UNILAD