Даваа гарагт Турк улсын өмнөд хэсэгт 7.8 магнитудын хүчтэй газар хөдлөлт болжээ. Газар хөдлөлтийн төв нь Туркийн Газиантеп аймгийн Нурдаги гэх газарт, газрын гадаргаас 24.1 километрийн гүнд байсан юм.
Аймгийн захирагч Давут Гулын Твиттер хуудаснаа мэдэгдсэнээр тэдэнд газар хөдлөлт маш хүчтэй мэдрэгдсэн гэнэ. Түүний зүгээс ард иргэддээ хандан нэгэн уриалга гаргасан нь “Бүгдээрээ сандралгүйгээр гадаа хүлээе. Машинуудаа хэрэглэхгүй, төв замуудыг бөглөхгүй, утасны сүлжээг ачаалуулахгүй байцгаая” гэсэн юм.
Газар хөдлөлт Газиантеп аймагт болсноос 11 минутын дараа Турк улсын төв болон өмнөд хэсэг 6.7 магнитудын хүчтэй газар хөдлөлт мэдрэгджээ.
Одоогийн байдлаар байгалийн гамшигт үзэгдлийн улмаас нийт 5 хүн амиа алдаж, 34 байгууламж сүйдсэн гэсэн тоо байгаа юм. Газар хөдлөлтөөс улбаатай хохирлын тоог эцэслэх боломжгүй байгаа шалтгаан нь онцгой байдал болон авран ангийнхан одоо ч ослын газруудад ажиллаж байгаатай холбоотой ажээ.
CNN агентлагийн ус, цаг уурын албанаас анхааруулж байгаагаар энэ төрлийн хүчтэй газар хөдлөлтийн дараагаар ойрхон давтамжтай газар хөдлөлтүүд болох нь нийтлэг үзэгдэл гэнэ.
Эх сурвалж: CNN