Ням гарагт Европын Холбоо Оросын дизель түлш болон боловсруулсан газрын тосны бүтээгдэхүүнүүдэд хориг тавьжээ. Хоригийн хамтаар тэд “Их 7” бүлгийн баталсан үнийн хязгаарлалтыг ч нэвтрүүлсэн байна.
Хориг болон хязгаарлалтын гол зорилго нь Оросын дайны төсвийг бууруулахын сацуу энэ төрлийн бүтээгдэхүүнүүдийн үнэ дэлхийн зах зээлд огцом өсөхөөс сэргийлэх юм.
Үнийн хязгаарлалтын хүрээнд тэдний тохирсноор нэг баррель дизель түлшийг 100 ам.доллароос дээш үнээр худалдан авахгүй ажээ.
Европ тивийн хувьд дизель түлшний нийт хэрэгцээний 10 орчим хувийг ОХУ-аас татан авдаг байсан ч дайнаас үүдэн АНУ, Ойрх Дорнод болон Энэтхэгээс татан авах болсон. Гэвч хоригоос үүдэн өдгөө дизель түлшний үнэ хэрхэх нь тодорхойгүй болсон байна. Тэдний зүгээс Оросын дизель түлшинд хориг тавихаас өмнө тэдний нүүрс, газрын тос, байгалийн хийн нийлүүлэлтэд аль хэдийнээ хориг тавьсан юм.
Эх сурвалж: Al Jazeera