Португалийн хөл бөмбөгийн супер од Криштиану Роналду өнгөрөгч онд Саудын Арабын Аль-Насср клубт нэгдсэн билээ. Гэвч түүнийг ирснээс хойш Саудын Арабын лигийг олон улирал тэргүүлж ирсэн Аль-Насср клуб Саудын Супер цомын тэмцээнээс ч хасагдсан.
Тэгвэл лигтээ тэргүүлж ирсэн Аль-Насср клуб ийн муу тоглолт үзүүлж байгааг тус клубийн хагас хамгаалагч Луиз Густаво өөрийн өнцгөөс тайлбарлажээ. Түүний хэлснээр, “Одоогийн нөхцөл байдалд бол Роналду тоглолтуудыг улам л хүнд болгож байгаа. Учир нь түүний эсрэг тоглож буй бүх л баг хамгийн сайнаараа тоглож байгаа юм. Роналду хүн бүрд л урам зориг өгдөг шүү дээ.
Тэр Аль-Насср клубт байгаа нь л манай багт маш том давуу талыг бий болгож байгаа. Яагаад гэвэл бид түүнээс өдөр бүр суралцах боломжтой болсон...
Роналду бол сорилтуудыг даван туулахаар төрсөн хүн. Тэдгээрээ ч даван туулж чаддаг нэгэн. Энд байгаа хүн бүр л түүнийг ямар бэлэг барих бол гэж хүлээж байгаа. Тэр аль хэдийнээ анхны гоолоо оруулж, дарамтыг үлдэн хөөсөн” гэжээ.
Эх сурвалж: Sportskeeda