Даваа гарагт криптовалютын хамгийн том бирж болох Binance нэгэн мэдэгдэл гаргажээ.
Тэдний мэдэгдсэнээр Binance лхагва гарагаас эхлэн ам.доллароор ямар ч гүйлгээ хийхгүй гэнэ. Биржийн зүгээс тус шийдвэрийг гаргах болсон тодорхой шалтгааныг тайлбарлаагүй байна.
Binance-аас гаргасан мэдэгдэлд дурдсанаар, “Бид хоёрдугаар сарын наймны өдрөөс эхлэн ам.доллароор хийх гүйлгээг түр хугацаанд зогсоох боллоо. Манай биржийн нийт хэрэглэгчийн 0.01 хувь нь сар бүр ам.доллароор гүйлгээ хийдэг. Тэдгээр хэрэглэгч нарт анхааруулга хүргэж байгаа. Бид үйлчилгээг нэн даруй эргэн сэргээхийн тулд хичээн ажиллаж байна” гэжээ.
Эх сурвалж: CNBC