Өнгөрсөн онд АНУ-ын худалдааны алдагдал түүхэн дээд хэмжээндээ хүрч өсчээ.

АНУ-ын Худалдааны яамны мэдээлснээр өнгөрөгч 2022 онд бараа, үйлчилгээний худалдааны жилийн алдагдал өмнөх онтой харьцуулахад 12.2 хувиар нэмэгдэж, 948.1 тэрбум ам.долларт хүрсэн болохыг онцлов.

Тодруулбал мөн хугацаанд экспортын хэмжээ өмнөх оноос 17.7 хувиар өсч 3.977 их наяд ам.долларт хүрсэн бол импортын хэмжээ ч мөн 16.3 хувиар өсч 3.9578 их наяд ам.доллар болж өсчээ.

Өндөр инфляц болон ОХУ Украинд халдан түрэмгийлснээс хойш олон улсын зах зээлд үүссэн газрын тосны үнийн өсөлт зэргээс шалтгаалан худалдааны алдагдал ийнхүү нэмэгдсэн гэж дүгнэж буй аж. Түүнчлэн ам.долларын ханш чангарсны улмаас АНУ-ын хэрэглэгчдийн импортын барааны хэрэглээ өссөн явдал нь алдагдал нэмэгдэхэд мөн нөлөөлсөн гэв.

Түүнчлэн өнгөрсөн оны арванхоёрдугаар сард гадаад худалдааны сарын алдагдал 67.4 тэрбум ам.доллар болсон нь өмнөх сараас 10.5 хувиар өссөн үзүүлэлт болжээ. Өнгөрөгч арванхоёрдугаар сард тус улсын экспорт 0.9 хувиар буурч, 250.2 тэрбум ам.долларт хүрсэн бол импорт 1.3 хувиар өсч 317.6 тэрбум ам.доллар болон нэмэгдсэн байх юм.

Эх сурвалж: MBC