Даваа гарагийн өглөө Турк улсын өмнөд хэсэгт 7.8 магнитудын газар хөдөлж, Турк болон Сирийн 5 мянга орчим хүн амь эрстсэн билээ. Улмаар газар хөдлөлтөөс үүдэлтэй нурангид даруулсан хүмүүсийг аврах ажиллагаа одоо ч үргэлжилж байгаа юм.
Тэгвэл үйл явдлын хүрээнд Италийн Галт уул Судлал, Геофизикийн Үндэсний хүрээлэнгийн ерөнхийлөгч профессор Карло Доглионигийн мэдээлснээр газар хөдлөлтийн дараагаар Турк улсын эх газарт 3 метрийн хөдөлгөөн орсон байж магадгүй гэжээ.
Энэ талаар тэр Италийн Корриере Делла сонинд өгсөн ярилцлагадаа өгүүлсэн бөгөөд түүний хэлснээр, “Бидний нэрлэж заншсанаар Арабын хавтанг Анатолийн хавтантай харьцуулахад зүүн хойноос баруун өмнөд чигт 3 орчим метр нүүсэн байна. Өөрөөр хэлбэл, Турк улс Арабын хавтангийн хамтаар баруун өмнөд чигт нүүсэн” гэсэн юм.
Эх сурвалж: UNILAD