Мягмар гарагт болсон Лос Анжелес Лэйкерс, Оклахома Сити Тандер багуудын тоглолтын үеэр сагсан бөмбөгийн нэрт тамирчин ЛеБрон Жэймс NBA-ийн бүх цаг үеийн онооны дээд амжилтыг эвдсэн билээ. Тийнхүү ЛеБрон Жэймс карьертаа нийт 38,390 оноо авсан тамирчнаар жагсаалтын нэгдүгээрт бичигдэх болсон юм.
Тэгвэл түүний амжилтад АНУ-ын ерөнхийлөгч Жо Байден, сагсан бөмбөгийн алдарт тамирчин Стефен Карри, Брүүклин Нетс багийн довтлогч Кэвин Дюрант нар баяр хүргэжээ.
АНУ-ын ерөнхийлөгч Жо Байден: ЛеБрон, баяр хүргэе. Чи маш том рекордыг зүрх сэтгэлээрээ эвдэж чадлаа. Чи сагсан бөмбөгийг өөр түвшинд аваачсан. Үүнээс ч илүүтэйгээр чи Карим, Билл Рассел тэргүүтэй тоглогчид шиг өөрөө өөрийгөө сорьж, ард түмнээ илүү сайн сайхан бүхэн рүү тэмүүлж, бүхнийг илүү сайнаараа хийж, амласандаа хүртэл амьдрахад үлгэрлэлээ.
Лос Анжелес Лэйкерс багийн Мэйжик Жонсон: Би хувьдаа Каримын амжилтыг хэн ч эвдэнэ гэж бодож байгаагүй. Гэхдээ чи шар, нил ягаан өмсгөлтэйгөөр, Лэйкерс багийн гишүүний хувиар тэр амжилтыг эвдсэн нь надад болон манай багийн шүтэн бишрэгчдийн хувьд үнэхээр их ач холбогдолтой хэрэг боллоо. Энэ бол бидний хувьд маш онцгой, түүхэн мөч юм. Учир нь бид дахин өөр нэг ЛеБрон Жэймсийг харахгүй шүү дээ.
Голден Стэйт Уарриорс багийн хамгаалагч Стефен Карри: ЛеБрон 20 жилийн турш тасралтгүй тоглож, сагсан бөмбөгийн спортын түүхэнд хамгийн өндөр оноог цуглуулж чадсан нь үнэхээр итгэмээргүй юм.
Брүүклин Нетс багийн довтлогч Кевин Дюрант: Энийг ингээд хэлээд сууж байх үнэхээр хөгжилтэй юм. Чи хаанаас эхэлсэн, үүний төлөө хэр их хөдөлмөрлөснөө мэдэж байгаа. Энэ бүхэн эхний өдрөөсөө л гайхалтай үлгэрлэл байсан. Хайртай шүү, амжилт бүрийг дээд цэгт нь тулгаарай!
Эх сурвалж: BBC