Өнгөрөгч долоо хоногт Турк-Сирийн нутаг дэвсгэрт 7.8 магнитудын хүчтэй газар хөдөлсөн билээ. Газар хөдлөлтийн улмаас олон ч байшин барилга нурж, мянга мянган хүн нурангид даруулан амиа алдсан. Харин ослоос амьд үлдсэн хүмүүсийг аврах ажиллагаа одоо ч үргэлжилж байгаа юм.
Тэгвэл лхагва гарагт Нью Йорк Таймс сониноос мэдээлснээр аврах багийнхан Турк улсын Кахраманмарас хотын нутаг дэвсгэрт нурангид даруулсан ах дүү хоёрын амийг аварчээ. Ах дүү хоёр нурангид даруулан 7 хоносон ч өөрсдийн шээсийг ууж, бодибилдингийн тамирчдын хэрэглэдэг уураг идэж амь зогоож байсан байна.
Одоогоор газар хөдлөлтөд амиа алдсан хүмүүсийн тоо Турк улсад 35 мянгыг даваад байгаа бол Сирид 6 мянга шахаж байгаа ажээ.
Эх сурвалж: People