Бид өнгөрсөн долоо хоногийн нийтлэлээрээ ажлын анкет үүсгэхэд гаргадаг нийтлэг 5 алдааг танилцуулсан билээ. Тэгвэл энэ удаа бид танд ажлын анкет үүсгэхэд гаргадаг нийтлэг 4 алдааг танилцуулъя.
Товч намтар
Ажил горилогч нар анкет үүсгэхдээ гаргадаг нийтлэг алдаануудын нэг бол товч намтар дээрээ карьерын замналаа хэт ерөнхий өгүүлсэн байдаг. Харин ажил олгогч нарын зүгээс энэ хэсэгт илүү баримттай зүйл өгүүлсэн байхыг шаарддаг. Жишээ нь, таныг ажиллаж байх хугацаанд тухайн байгууллагын ашиг хэдэн хувиар өсөж, тэд салбартаа ямар, ямар амжилт гаргасан, тус амжилтад та ямар хувь нэмэр оруулсан гэдгийг тоон баримттай дурдаж өгвөл товч намтар тань бусад хүмүүсийн намтраас ялгарч, илүү бодитой болно.
Чухал мэдээлэл орхигдуулах
Ажлын анкет дээрээ ажил олгогчийн мэдэх шаардлагатай байсан чухал мэдээллийг орхигдуулан худал өгүүлсэн байх нь тийм ч зөв зүйл биш. Жишээ нь, та ажлын анкет дээрээ их сургуулиа төгссөн хэмээн өгүүлсэн ч үнэн хэрэгтээ сургуулиа хаясан байвал энэ нь таныг үнэлэх үнэлэмжид шууд нөлөөлөх юм.
Бичвэрээр бөмбөгдөх
Цэг таслал, зай, цогцолбор үгүй үргэлжилсэн үгийн зохиол шиг анкет нь ажил олгогчдын толгойг эргүүлэх, цаашлаад тэд таныг анкетыг анхаарч уншихаас залхахад хүргэж болно. Тиймээс анкетаа хэрхэн өрөх вэ гэдэг дээр ч анхаарах нь зүйтэй.
Холбогдох мэдээлэл буруу байх
Ажлын зард анкетаа илгээсэн ч ажил олгогчийн зүгээс тантай холбогдож чадахгүй, “Ашиглалтад байхгүй дугаар байна” гэсэн хариу сонсвол тэдний зүгээс таныг үнэлэх үнэлэмж унах юм.
Uur dugaartai bolsiin solij bolku blee
Dugaaraa solij bolku l ym ble sht