ОХУ-ын зүгээс өдгөө дэлхийн 50 гаруй оронд зэвсэг нийлүүлж байгаа ба барууны орнуудын шахалтаас үл хамааран эрэлт нь тогтвортой хэвээр байгаа гэдгийг дурджээ.
Тодруулбал ОХУ-ын зэвсгийн импорт, экспортод хяналт тавьдаг Холбооны цэрэг техникийн хамтын ажиллагааны агентлаг 24-ний өдөр хэлэхдээ Барууныхны үзүүлж буй дарамт шахалт итгэлийг эвдэх гэсэн оролдлогоос үл хамааран “Манай цэрэг, батлан хамгаалахын бүтээгдэхүүний эрэлт буурахгүй байгаа бөгөөд захиалгын хэмжээгээ ч нэлээд өндөр түвшинд хадгалсаар байна” хэмээн цохон тэмдэглэв.
Энэ нь Оросын цэрэг-техникийн хамтын ажиллагааны тогтолцоо бат бөх, үр өгөөжтэй байгааг илэрхийлж буйн нэгээхэн нотолгоо юм хэмээн энэ үеэр онцолсон байна.
Үргэлжлүүлэн ОХУ нь өдгөө 100 гаруй улстай цэрэг-техникийн хамтын ажиллагаа явуулж байгаагийн дотор 50 гаруй оронд цэрэг, батлан хамгаалахын бүтээгдэхүүн нийлүүлж байгаа ба сүүлийн жилүүдэд захиалгын хэмжээ жил бүр 50-55 тэрбум ам.доллароор хэмжигдэх түвшинд тогтвортой байсан гэж мэдэгджээ.
Эх сурвалж: YTN