АНУ дахь хамгийн жаргалтай хотоор Калифорни мужийн Фремонт хот гурав дахь жилдээ шалгарчээ. Тус улс дахь хамгийн жаргалтай хотыг шалгаруулах ажлыг УоллетХаб гэх хувийн санхүүгийн веб хуудаснаас хийсэн бөгөөд тэд нийт 30 үзүүлэлт дээр үндэслэн хамгийн жаргалтай хотыг тодруулсан байна.
УоллетХаб веб хуудасны зүгээс АНУ дахь нийт 180 гаруй хотыг хамруулсан юм. Харин хамгийн жаргалтай хотыг шалгаруулахад хамгийн их нөлөөлсөн үзүүлэлтүүд нь тухайн хотын ард иргэдийн орлогын өсөлтийн хувь, сэтгэл гутралын хувь, салалтын хувь зэрэг байжээ.
Тэгвэл Фремонт хотын араас Калифорни мужийн Сан Хосе хот хоёрдугаарт, Висконсин мужийн Мадисон хот гуравдугаарт, Канзас мужийн Оверланд Парк хот дөрөвдүгээрт, Калифорни мужийн Сан Франциско хот тавдугаарт бичигджээ.
Эх сурвалж: UNILAD