АНУ-ын Флорида мужид өглөө бүр хамраа цоргоны усаар зайлж, цэвэрлэдэг байсан эр тархи идэгч амёбаар халдварлаж, амиа алдсан тохиолдол бүртгэгджээ.
Түүний халдварласан тархи идэгч нэг эст нь тун ховор төрлийнх бөгөөд ихэнх тохиолдолд задгай ус, нуур, голд сэлсэн хүмүүс энэхүү амёбаар халдварладаг юм.
Албаныхны таамаглаж байгаагаар наеглериа фовлери гэх тус амёба залуугийн хамрын нүхээр дамжиж түүний тархинд хүрсэн байна. Гэхдээ тэдний баталснаар цоргоны усыг уух нь аюулгүй гэжээ.
АНУ-ын Өвчнийг хянах, урьдчилан сэргийлэх газраас мэдээлснээр жил тутам 3 америк хүн энэ төрлийн амёбаар халдварлаж, ихэнх тохиолдолд амиа алддаг юм. Улмаар 1962-2021 оны хооронд 154 тархи идэгч амёбаар өвчилсөн бөгөөд тэднээс ердөө 4 хүн л амьд үлдсэн байна.
Эх сурвалж: BBC