Даваа гарагт BBC агентлагаас мэдээлснээр Пакистан улсын баруун өмнөд хэсэгт тэсрэх бөмбөг дэлбэрч, цагдаагийн албаны 9 ажилтан амиа алдан дор хаяж 13 хүн шархаджээ.
Дэлбэрэлт Пакистан улсын Белужистан мужийн газар нутагт болсон бөгөөд урьдчилсан дүгнэлтээр дэлбэрэлтийг амиа золиослогчийн үйлдэл хэмээн тодорхойлсон байна.
Цагдаагийн албаныхны хувьд жил бүр зохион байгуулагддаг Сиби наадамд үүрэг гүйцэтгэчхээд буцаж байсан ч тийнхүү харамсалтайгаар амиа алджээ.
Хэргийн газрын зургийг үзвээс цагдаа нарын сууж явсан тэрэг хөмөрсөн байдалтай олдсон байна. Одоогийн байдлаар хэргийг ямар бүлэглэл үйлдсэн нь тодорхойгүй байгаа ч Белужистан мужийн захиргаанаас мэдэгдсэнээр тэд хэргийг шалгаж байгаа гэжээ.
Эх сурвалж: BBC