Илон Маскийн удирддаг цахилгаан автомашины Тесла компани зах зээлийн эрэлтээ өсгөхөөр бүтээгдэхүүнийхээ үнийг дахин буулгах болжээ. Улмаар үнэ нь буурсан автомашинууд эхний ээлжид АНУ, Их Британийн зах зээлд гарсан байна.
Теслагийн хувьд зээлийн хүү өсөж, зах зээлийн өрсөлдөөн нэмэгдсэнээр олон сорилтуудтай тулж байгаа юм.
Үйл явдлын хүрээнд Илон Маскийн мэдэгдсэнээр, “Үнэ буулгах нь зах зээлийн эрэлтийг нэмэгдүүлэхэд эергээр нөлөөлж байна. Учир нь олон нийтийн хүрээнд Тесла эзэмших хүсэл маш их байгаа юм. Гэвч тэдэнд саад болж байгаа ганц хүчин зүйл нь тэдний төлбөрийн чадамж” гэжээ.
Ройтерс агентлагаас мэдээлснээр тэдний энэ шийдвэр Тесла компанийн хувьд он гарснаас хойш үнэдээ өөрчлөлт оруулсан тав дахь удаагийнх гэнэ.
Эх сурвалж: BBC