- Өөрийн сандарч буйг хүлээн зөвшөөрөх
Хэрэв та тайзан дээр гарахдаа тодорхой хэмжээний сандрал мэдэрч байгаа бол бүх зүйл хэвийн байгаа мэтээр дүр эсгэхийн оронд үнэнээ хэлээд үзээрэй. Учир нь үзэгчид ч гэсэн ялгаагүй хүн шүү дээ. Тэдэнд ч олны өмнө гарахаас айх айдас гэж бий. Тиймээс бүх юм хэвийн байгаа мэтээр дүр эсгэж, хамаг төлөвлөгөө баллаж орхихын оронд үнэнээ хэлэх нь таныг тайвшруулна.
- Түүх ярьж өгөх
Түүх ярьж өгөх нь илтгэл хэлэлцүүлэхэд ашигладаг маш хүчтэй зэмсэг. Guardian сониноос гаргасан судалгаагаар илтгэл сонсогчдын 63 хувь нь ярьж өгсөн түүхийг санаж байдаг бол ердөө 5 хувь нь статистик бүхий тоон баримтыг санаж байдаг ажээ.
Тиймээс түүх ярих аргыг ухаалгаар ашиглаж чадвал таны илтгэл төдий чинээ хүнд хүрэх юм.
Гэхдээ бүх илтгэлд түүх ярих шаардлага байхгүй гэдгийг сайн санаарай. Улирлын тайлан төлөвлөгөөг танилцуулж байгаа тохиолдолд та тоон баримтаа чухалчлах хэрэгтэй болохоос ямар нэг түүх ярьж өгөхөөр толгойгоо гашилгах хэрэггүй.
- Шооч бай
Илтгэл хэлэлцүүлж байх үедээ хэт өөрийгөө барихын оронд шооч зангаа ил гаргаад үзээрэй. Энэ бол өрөөний уур амьсгалыг зөөллөж, хүмүүсийн анхаарлыг татах хамгийн үр дүнтэй арга.
- Зураг, дуу, дүрс бичлэг ашиглах
Илтгэл хэлэлцүүлэхдээ зураг, дуу, дүрс бичлэг ашиглах нь таны илтгэлийг илүү сонирхолтой, мартагдахааргүй болгож өгнө. Жишээлбэл, та тоон мэдээлэлтэй холбоотой илтгэл хэлэлцүүлж байлаа гэхэд график, диаграмм, нарийвчилсан зураглал зэргийг үзүүлж болно.
- Үзэгчидтэйгээ харьц
Хэрэв та мартагдахааргүй илтгэл хэлэлцүүлэхийг хүсэж байвал үзэгчидтэйгээ аль болох их харьцах хэрэгтэй.
Энэ нь юу гэсэн үг вэ гэвэл, үзэгчдэдээ хандаж ярихын оронд тэдэнтэй харилцаа үүсгэж, харилцан ярилц гэж байгаа юм.
- Бусдын санал бодлыг сонсох
Өөрийн тань хэлэлцүүлж буй илтгэлд юу дутагдаж байгааг мэдэхгүйгээр хүн яаж сайжрах билээ? Тиймээс илтгэл хэлэлцүүлснийхээ дараагаар үзэгчдийнхээ санал бодлыг сонсож, тавьсан илтгэлээ бататгаж байгаарай. Ингэснээр та маш хурдацтай сайжирна.
Өмнөх нийтлэл унших: https://news.zangia.mn/33948