Олон улсын зах зээл дэх газрын тосны үнэ орон нутгийн цагаар 15-ны өдөр огцом унажээ.

Тодруулбал Нью-Йоркийн бирж дээр ирэх 4-р сард нийлүүлэх West Texas Intermediate (WTI) ангиллын газрын тосны үнэ нэг баррель нь 3.72 ам.доллар буюу 5.22 хувиар буурч, 67.61 ам.доллар болсон талаар гадаадын хэвлэл мэдээллийн хэрэгслүүд мэдээлсэн байна.

Сүүлийн гурван өдрийн турш буурах хандлагатай байсан WTI ангиллын газрын тосны үнэ нэг жил дөрвөн сарын дараа анх удаа баррель нь 70 ам.доллараас доош унасан нь энэ юм.

Хятад улс цар тахлын эсрэг авч хэрэгжүүлж байсан хатуу бодлогоо цуцалснаар эдийн засаг нь сэргэх эерэг хандлага ажиглагдаж байгаа ч АНУ-ын Silicon Valley Bank (SVB) банк дампуурч байгаа зэрэг олон улсын санхүүгийн тогтворгүй байдал нь газрын тосны үнэ ийнхүү буурахад нөлөөлж байна.

Хэдийгээр АНУ-ын эрх баригчид банкны салбарын тогтворгүй байдлыг намжаах арга хэмжээ авсаар байгаа ч Швейцарийн хөрөнгө оруулалтын Credit Suisse банкны хямралын тухай цуурхал дэлхийн эдийн засагт нэрмээс болж буй нь дамжиггүй.

Эх сурвалж: Newsis