Польш улс Украинд сөнөөгч онгоц илгээсэн НАТО-гийн анхны гишүүн орон болох гэнэ.
Ройтерс агентлагийн орон нутгийн цагаар 16-ны өдөр мэдээлснээр, Польшийн ерөнхийлөгч Анжей Дуда Польшийн нийслэл Варшавт Чехийн ерөнхийлөгч Петро Павелтэй уулзсаныхаа дараа хийсэн хэвлэлийн бага хурал дээр "Бид ойрын хэд хоногт багтаан дөрвөн ширхэг “МиГ-29” сөнөөгч онгоцыг Украинд илгээхээр төлөвлөж байна" хэмээн мэдэгджээ.
Цаашлаад ойрын хэдэн сардаа багтаан Украинд нийт зургаан “МиГ-29” сөнөөгч онгоц нийлүүлэх төлөвлөгөөг гаргасан байна. Харин Украинд илгээсэн эдгээр сөнөөгч онгоцнуудын оронд Өмнөд Солонгос болон АНУ-аас сөнөөгч онгоц авах болно гэж Польшийн хэвлэлүүд онцолжээ.
НАТО-гийн гишүүн бөгөөд Европын холбооны гишүүн Польш улс Украинд үзүүлэх тусламжийг өргөжүүлэх хэрэгтэй талаар дуу хоолойгоо хүчтэй илэрхийлсээр ирсэн билээ. Өмнө нь Барууны орнуудаас Украинд байлдааны гол танкуудыг дэмжлэг болгон илгээхэд хамгийн их нөлөө үзүүлэн “салхийг хагалж” байсан Польш улс энэ удаад ч хамгийн түрүүнд сөнөөгч онгоц илгээснээр Барууны орнуудыг уриалж буйн илрэл биш байгаа хэмээн харах нэгэн ч байна.
Эх сурвалж: JoongAng