Bloomberg News агентлагийн орон нутгийн цагаар 19-ний өдөр мэдээлснээр, Berkshire Hathaway компанийн ТУЗ-ийн тэргүүн Уоррен Баффет саяхан АНУ-ын засгийн газрын өндөр албан тушаалтнуудтай холбогдож банкны хямралын талаар ярилцсан болохыг онцлов.
Тус агентлаг нэрээ нууцалсан эх сурвалжаас иш татан, Баффет болон АНУ-ын засгийн газрын өндөр албан тушаалтнууд өнгөрсөн долоо хоногт өрнөсөн бүс нутгийн банкны хямралын талаар олон талаас нь ярилцаж, гарц гаргалгааны талаар яриа өрнүүлсэн хэмээн мэдэгджээ.
Уоррен Баффет эрхмийг ямар нэг байдлаар АНУ-ын банкуудад хөрөнгө оруулах боломж байгаа эсэхийг хоёр тал зөвлөлдсөнөөс гадна “Хөрөнгө оруулалтын эцэг” гэгддэг тэрээр өнөөгийн хямралын нөхцөл байдлын талаар өргөн хүрээтэй зөвлөгөөг өгсөн байна.
Өнгөрсөн долоо хоногт Цахиурын хөндийн хамгийн том банк болох Silicon Valley Bank болон Signature Bank дампуурлаа зарласны улмаас банкны систем ганхаж, АНУ-ын эдийн засаг хямралтай нүүр тулаад байгаа билээ.
Эх сурвалж: MBC