Өнөө цагийн хамгийн алдартай хосуудын нэг бол Том Холланд, Зендаяа нар гэдэгтэй хэн ч маргахгүй.
Хос хоёрын хувьд 2021 онд албан ёсоор үерхэж эхэлснээсээ хойш өөрсдийн харилцааг тодорхой түвшинд нууцалж ирсэн ч шүтэн бишрэгчдийн зүгээс тэднийг хамтдаа олны өмнө гарах мөч бүрд нь хос хоёрыг өхөөрдөх нь элбэг.
Тэгвэл саяхан Том Холланд, Зендаяа хоёр хамтдаа үдийн зоог барьчхаад нууц дуранд өртжээ. Харин нууц дурангийн зургаас шүтэн бишрэгчид нэгэн өхөөрдөм зүйл олсон байна. Тэр нь юу вэ гэвэл, Том Холландын өмссөн өмд дээр Z үсэг хатгасан байсан юм. Улмаар шүтэн бишрэгчид ямар брэндийн өмд ийм хатгамалтай байдгийг судалсан ч амжилт олоогүй байна.
Тийнхүү тэдний зүгээс нэгэн таамаглал дэвшүүлсэн нь Зендаяаг тэдгээр Z үсгийг хатгасан гэжээ. Учир нь өмд дээрх Z үсэг дан ганц тэр өмд дээр байгаагүй харин Том Холландын нууц дурангийн зургууд дээр бараг бүх л өмд дээр байсан гэнэ.
Өөрсдийн дэвшүүлсэн таамаглалд итгэсэн шүтэн бишрэгчдийн зүгээс хос хоёрын үерхлийг өхөөрдөхдөө, “Зендаяа өөрийн эрхшээлт бүсийг тодорхойлж байна” хэмээн даажигнах болжээ.
Эх сурвалж: BuzzFeed