“Get Out” киноны найруулагч, жүжигчин Жордан Пийл 2024 оны арвахоёрдугаар сард дөрөв дэх киногоо нээхээ мэдэгджээ.
Жордан Пийлийн хувьд 2017 онд “Get Out”, 2019 онд “Us”, 2022 онд “Nope” гэх кинонуудыг үзэгчдийн хүртээл болгосон юм. Тэгвэл түүний дөрөв дэх кино ирэх оны Зул сарын баярын өдөр нээлтээ хийх ажээ.
Урьдчилсан товыг авч үзвэл түүний шинэ кино Жэймс Камероны найруулах "Аватар 3" киноноос ердөө 5 хоногийн дараа нээлтээ хийх юм.
Одоогийн байдлаар түүний шинэ киноны үйл явдлын тухай тодорхой мэдээлэл байхгүй бөгөөд кино багийн зүгээс киноны нэрийг ч зарлаагүй байгаа ажээ.
Эх сурвалж: Daily Mail