Даваа гарагт Парис хотноо ард иргэд Францын засгийн газрын тэтгэврийн шинэчлэлт хийх төлөвлөгөөг эсэргүүцэн жагсжээ. Улмаар жагсаалаас 230 гаруй хүн саатуулагдсан байна. Энэ талаар мэдээллийг мягмар гарагт Парис хотын цагдаагийн албанаас мэдээлжээ.
Цагдаагийн байгууллагаас өгсөн мэдээллээс үзвэл жагсаалын хүрээнд 2000 гаруй цагдаагийн офицер, жандарм хэв журам сахиулах тушаал авсан гэнэ. Гэсэн хэдий ч жагсагчид хийгээд хууль сахиулагчдын хооронд мөргөлдөөн гарч, үймээн самууны нөхцөл үүсжээ. Үйл явдлын хүрээнд цагдаагийн байгууллагын 11 алба хаагч албан үүргээ гүйцэтгэж байхдаа бэртсэн байна.
Францын засгийн газрын тэтгэврийн шинэчлэлт хийх төлөвлөгөө нь тэтгэвэрт гарах насыг 62-оос 64 болгож сунгахад төвлөрсөн бөгөөд тэдний энэ санаачилга ард иргэдийн зүгээс ихээхэн эсэргүүцэлтэй тулгарч байгаа юм.
Эх сурвалж: ТАСС