Даваа гарагт НАТО-ийн гишүүн орнууд Брюссель хотноо тус байгууллагын ерөнхий нарийн бичгийн дарга Йенс Столтенбергтэй уулзжээ. Тэгвэл уулзалтын дараагаар буюу мягмар гарагт Унгар улсын Гадаад хэргийн сайд Петер Сийярто НАТО-ийн гишүүн орнуудад хандан нэгэн зүйлийг анхааруулсан байна.
Түүний бичсэнээр, “Одоогийн нөхцөл байдлын хүрээнд НАТО манай хөрштэй дайн эхлүүлээгүй байгаа. Гэхдээ энэ бол одоогийн л нөхцөл байдал. НАТО, ОХУ-ын хооронд шууд мөргөлдөөн үүсвэл дахин нэг дайн эхэлнэ” гэжээ.
Унгар улсын засгийн газрын хувьд Оросын цэргийн тусгай ажиллагаа эхлэхэд л хэлж байсан нь тэд Украин улсад ямар нэг зэвсэг нийлүүлэхгүй гэж байсан юм. Улмаар тэдний зүгээс үүсээд буй асуудлыг энхийн шугамаар шийдвэрлэхийг ч уриалж байсан билээ. Даваа гарагт зохион байгуулагдсан уулзалтын хүрээнд ч тэд энэ байр сууриа дахин илэрхийлсэн юм. Түүнчлэн тус улс Украинд зэвсэг нийлүүлэх санхүүжилтийн ажилд Европын орнуудтай хамтрахгүй гэдгээ ч мэдэгджээ.
Эх сурвалж: ТАСС