Канад улсын хүн амын тоо нэг жилийн дотор нэг сая гаруйгаар нэмэгджээ. Тус улсын засгийн газраас мэдээлснээр Канад улсын хүн ам 2022 онд 39,566,248 болсон гэнэ. Энэ нь тус улсын түүхэнд хүн амын тоо жилийн дотор нэг сая гаруйгаар нэмэгдсэн анхны тохиолдол ажээ.

Хүн амын өсөлтийг хувьчилж үзвэл 2.7 хувийн өсөлттэй гарсан байна. Үүний гол хүчин зүйл нь цагаачлал нэмэгдсэнтэй холбоотой ажээ. Учир нь тэд дотоод дахь ажиллах хүчний хомстлоо бууруулахаар цагаачдыг олноор татах болсон юм. Улмаар Канадын Статистикийн хорооноос мэдээлснээр тус улсын 2022 оны хүн амын өсөлтийн 96 хувь нь цагаачлалтай холбоотой гэнэ.

Канадын засгийн газраас мэдэгдсэнээр тэдний хүн амын тоо жил бүр ийн 2.7 хувиар өсөөд байвал ирэх 26 жилийн дотор тэд хүн амынхаа тоог нугална гэжээ.

Эх сурвалж: BBC