Тоёота Мотор компани Camry суудлын автомашиныхаа дотоод дахь борлуулалтыг танах болсноо мэдэгджээ. Улмаар тэд энэ оны сүүлээс эхлэн дотоодынхоо зах зээлд зориулан Camry автомашиныг үйлдвэрлэхээ болих гэнэ. Харин тус маркийн автомашины гадаадын зах зээлд зориулагдсан үйлдвэрлэл үргэлжлэх ажээ.
Тоёота Моторын хувьд 1980 онд Camry маркийн автомашиныг зах зээлд нийлүүлж эхэлсэн бөгөөд тухайн цаг үеэс хойш Camry маркийн нийт 1.3 сая автомашиныг борлуулсан юм.
Өдгөө тус автомашин нь дэлхийн 100 гаруй орны зах зээлд нэвтэрсэн байгаа ажээ.
Тоёота Моторын хувьд хамгийн сүүлд 2017 онд Camry маркийн автомашиныхаа загварыг шинэчилж, 10 дахь үеийн Camry суудлын автомашиныг олон нийтэд танилцуулсан юм.
Өнгөрөгч онд л гэхэд дэлхий дахинаа нийт 600,000 ширхэг борлуулагдсан тус автомашин Япон улсын зах зээлд ердөө 6,000 хүрэхгүй ширхэг борлуулагдсан нь энэ шийдвэрийг гаргахад ихээр нөлөөлжээ.
Эх сурвалж: Nikkei Asia