Starbucks компанийн шинэ гүйцэтгэх захирал Лаксман Нарасимхан сар бүр нэг салбартаа баристагаар ажиллахаа мэдэгджээ. Тэрээр энэ сарын 20-ы өдөр буюу даваа гарагт шинэ ажлаа хүлээн авсан юм.
Түүний хувьд өнгөрөгч аравдугаар сард гүйцэтгэх захирлын албан тушаалд дадлагажигчаар орж байсан билээ. Ихэнх тохиолдолд томоохон компаниудын гүйцэтгэх захирал болон бусад өндөр албан тушаалтнууд гүйцэтгэгч түвшний ажилтнуудаасаа тусгаарлагдсан байдаг ч Лаксман баристагаар ажиллаж үзэх ажээ.
Ташрамд дурдахад Лаксман Нарасимхан баристагийн сертификаттай бөгөөд 40 цагийн дадлага хийсэн гэнэ.
Тийнхүү Лаксманы хэлснээр тэр сар бүр аль нэг салбартаа хагас өдрөөр ажиллаж, байгууллагынхаа соёл, хэрэглэгчидтэйгээ ойр байх юм.
Эх сурвалж: UNILAD