Форд компани цахилгаан автомашины салбарын алдагдалаа 3 тэрбум ам.долларт хүрэх таамаг дэвшүүлжээ
2023, 3 сарын 25. 12:230

АНУ-ын автомашин үйлдвэрлэгч Форд компани энэ жил цахилгаан автомашины бизнесээсээ 3 тэрбум ам.долларын алдагдал хүлээнэ хэмээн таамаглажээ.

Тус компанийн зүгээс орон нутгийн цагаар 23-ны өдөр бизнесийн хэлтсийн гүйцэтгэл, урьдчилсан мэдээг нийтэлсэн ба цахилгаан автомашины салбарын энэ жилд хүлээх алдагдал 3 тэрбум ам.доллар болж өснө гэж тооцоолж буйгаа уг мэдээнд дурдсан байна. Тус компанийн цахилгаан автомашины бизнес 2021 онд 900 сая ам.доллар, өнгөрсөн онд 2.1 тэрбум ам.долларын алдагдалыг тус тус хүлээсэн аж. Үүнээс харахад алдагдлын хэмжээ жил бүр нэмэгдэж байгаа нь бэлхнээ харагдах бөгөөд энэ онд өмнөх хоёр жилийн алдагдлын нийлбэрийн хэмжээнд хүрэх төлөвтэй байгаа юм. Учир нь цахилгаан автомашины бизнест оруулж буй хөрөнгө оруулалтын хэмжээ хурдацтай нэмэгдэж байгаа ч ашигт ажиллагаа төдийлөн сайжрахгүй байна. Фордын Санхүү хариуцсан захирал Жон Роллер хэлэхдээ "Цахилгаан тээврийн хэрэгсэл хөгжүүлэх, үйлдвэрийн байгууламжийг өргөтгөхөд хөрөнгө оруулалт хийхээр төлөвлөж байна” хэмээн өгүүлсэн байна. Фордын АНУ-ын цахилгаан автомашины зах зээлд эзлэх хувь өнгөрсөн оны байдлаар 7.6 хувьд хүрсэн нь Теслагийн дараа орох үзүүлэлт юм.

Компанийн зүгээс өнгөрсөн онд -40 хувьтай байсан татварын өмнөх үйл ажиллагааны ашгийг 2026 оны эцэс гэхэд 8 хувьд хүргэхээс гадна жилд 2 сая цахилгаан машин үйлдвэрлэхээр зорьж буйгаа онцлон тэмдэглэв. Харин Уолл Стрит Журнал сонин энэхүү зорилтыг хэрэгжүүлэхэд тун амаргүй байх болно гэв. Barclays хэлэхдээ, "Инфляцын өсөлт болон цахилгаан тээврийн хэрэгслийн үнэ буурч буй зэргийг харгалзан үзвэл дээр дурдсан хугацаанаас өмнө “эргэлтийн цэг” тохиох нь тун эргэлзээтэй асуудал" гэжээ. Нөгөөтэйгүүр Форд компани дотоод шаталтат хөдөлгүүрт автомашин болон арилжааны тээврийн хэрэгслийн салбараас олох ашгийг 9-11 тэрбум ам.долларт хүргэх төсөөлөлтэй байна.

Эх сурвалж: Hankyung

Энэ мэдээнд өгөх таны сэтгэгдэл?
0
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ
Xiaomi компани Porsche-той төстэй загвартай цахилгаан автомашинаа худалдаанд гаргалаа
02024-3-29 4:08
Цахиурын хөндийн жинсэн өмд, юүдэнтэй цамцтай “залуус” тансаг, дэгжин хувцсаар гоёх болжээ
02024-3-29 4:02
2 шөнийн нойрноосоо хугаслахад хүн өөрийгөө 4 болон түүнээс дээш жилээр хөгширсөн мэт мэдэрдэг
02024-3-28 19:28
"Титаник” киноны Рөүзийн амийг аварсан тавцанг дуудлагаар худалджээ
02024-3-28 18:41
Төв Азийн орнуудын иргэдийг ОХУ руу зорчихгүй байхыг уриалжээ
02024-3-28 18:24
Крымийн хазаарууд гэж байсныг нотлох археологийн баримтыг олжээ
02024-3-28 18:22
Цусны хорт хавдрыг ялан дийлсэн Икээ Парисын Олимпод өрсөлдөнө
02024-3-28 18:19
Япон: Бага насны хүүхдийн живх үйлдвэрлэгч компани насанд хүрэгчдийн живх үйлдвэрлэлийн бизнес рүү хөрвөжээ
02024-3-28 18:13
НҮБ: Дэлхийд өдөрт 1 тэрбум гаруй шоо метр тонны хоол хүнсний хаягдал гарч байна
12024-3-28 16:38
Тайландын хууль боловсруулагчид ижил хүйсийн гэрлэлтийг зөвшөөрөх хуулийн төслийг баталжээ
02024-3-28 15:53