Хятад улс маргаашнаас эхлэн дотоодын болон олон улсын нислэгийн тоогоо эрс нэмэгдүүлэхээр болсон тухай төрийн мэдлийн Синьхуа агентлаг мэдээллээ.

БНХАУ-ын Иргэний нисэхийн ерөнхий газар өчигдөр зарласан хавар, намрын нислэгийн төлөвлөгөөний хүрээнд олон улсын тогтмол нислэгийг долоо хоногт 6.700 орон нутгийн нислэгийг долоо хоногт 96.500-д хүргэнэ гэдгээ өчигдөр мэдэгдсэн байна.

Түүнчлэн тус улсын Иргэний нисэхийн газраас зарласан агаарын хөлгийн ашиглалтын тоо “Ковид-19” цар тахлын дэгдэлт гарахаас өмнөх үетэй харьцуулахад 70-80 хувьтай байгаа аж.

Цар тахал дэгдсэнээс хойш хатуу хорио цээрийн хяналтын бодлогыг хэрэгжүүлсэн Хятад улс нэг хэсэг олон улсын нислэгийн тоог долоо хоногт дөнгөж 300 орчим болгон бууруулж байсан ч энэхүү хатуу бодлогоо сулруулж, хилийн боомтуудыг нээхийн зэрэгцээ нислэгийн тоог ийнхүү аажмаар нэмэгдүүлсээр байгаа юм.

Эх сурвалж: MBC