Мягмар гарагт цахилгаан автомашин үйлдвэрлэгч Lucid группийн мэдэгдсэнээр тэд ажиллах хүчнийхээ 18 хувийг цомхотгох болжээ. Энэ нь тэдний зардлаа танах төлөвлөгөөний нэг хэсэг юм. Ажиллах хүчний 18 хувь гэдэг нь тус группийн ажилтнуудын 1,300 орчим ажилтантай тэнцэх гэнэ.

Тийнхүү үйл явдлын хүрээнд тэд энэ долоо хоногийг дуустал ажилтнуудтайгаа ярилцах болсон бөгөөд АНУ дахь бүх салбар нэгжийн бүх түвшний ажилчид нь цомхотголд тодорхой хэмжээгээр өртөхийг урьдчилан мэдэгджээ. Улмаар орон тооны цомхотголын хүрээнд групп нийт 24-30 сая ам.долларын нөхөн төлбөр олгох юм.

АНУ-д эдийн засгийн хэтийн төлөв тодорхойгүй болж, бодлогын хүү өсөж, инфляцын түвшин төв банкны зорилтот түвшинд хүрэхгүй байгаагаас үүдэн бизнесийн байгууллагууд өргөн хүрээг хамарсан орон тооны цомхотгол хийж байгаа ба цахилгаан автомашин үйлдвэрлэлийн салбарт ч орон тооны цомхотгол хийж байгаа нь дан ганц Lucid групп биш юм. Учир нь Rivian гэхэд л өнгөрөгч сард ажиллах хүчнийхээ 6 хувийг цомхотгохоо мэдэгдсэн билээ.

Эх сурвалж: CNN