Лхагва гарагт Украины ерөнхийлөгч Володимир Зеленський Хятадын удирдагч Ши Жиньпинийг нутагтаа хүлээн авахад бэлэн гэдгээ мэдэгджээ.

Энэ талаар тэр Ассошиэйтед Пресс агентлагт өгсөн ярилцлагадаа дурдсан байна.

Түүний хэлснээр, “Бид түүнийг[Ши Жиньпинийг] энд[Украинд] харахад бэлэн байна. Би түүнтэй ярилцмаар байна. Гэвч бүтэн нэг жил гаруйн хугацаа өнгөрөхөд би түүнтэй огт холбоо барьсангүй” гэжээ.

Ассошиэйтед Прессийн мэдээлж байгаагаар Зеленський аль хэдийн Ши Жиньпинд урилга явуулсан гэнэ.

Харин үйл явдлын хүрээнд Хятадын Гадаад хэргийн яамны хэвлэлийн төлөөлөгч Мао Нингийн хэлснээр түүний зүгээс урилга, айлчлалын тухайд ямар ч мэдээлэл байхгүй гэсэн юм.

Эх сурвалж: ТАСС